Herr von Ribbeck

Sei froh, dass die Kinder es auf Deutsch lernen dürfen :)



Herr vun Ribbeck up Ribbeck in´t Havelland Theodor Fontane
Deutsch-Platt Version von Pfarrer i.R. Wegmann

Herr vun Ribbeck up Ribbeck in´t Havelland
een Beerboom harr hei up sien´ Sand.
Keem güllen de Harwst un to´n Austen de Tied,
dunn blänkerten Beern an´n Boom wiet un siet.
Oll Ribbeck, de stoppt denn – hüürt hei middags de Klock,
de Daschen sick vull vun sien´Oewer-Rock.
Keem denn in Pantien´ een Jung doher,
dunn reep ehm oll Ribbeck: “Jung, wiste ´ne Beer ?”
un keem up de Dörpstraat dor ´ne lütt Deern,
reep hei: “ kumm man röwer, ick hebb ock Beern !“

So güng dat Johrenden – un wier schöön un genehm,
bit dat de oll Ribbeck tau´n Starwen keem.
Sien End dä hei föhlen, jüst Harwst wier de Tied,
un de Beern, de blänkerten wiet un siet.
Dor sä oll Ribbeck: „Nu gah ick woll aff !
Geewt een vun de Beern mi mit in mien Graff !“
Ut dat Duppeldackhuus dree Dag achteran
droegen´s Ribbecken rut, mit de Fööt vöran.
De Dörplüüd, all iernst un in schwatten Kleed
sungen hochdüütsch vun Jesus dat Tauversicht-Leed.
Un de Kinner, de rohrten den Tog hinnerher:
„Hei is dod nu, wecken gifft uns nu ne Beer ?“
Se hebben de Gören vun Harten flennt,
ach, se hebben oll Ribbecken eegens nich kennt !
De Niege - jo de ! – de wier gnietschig un hart,
dor bleew de Beerboom in` Gorden inspart.
Awerst de Oll ! all tauvör wier hei wiss,
wat sien Soehn för een muuligen Giezkragen is.
Dorüm harr hei de Beer in dat Graff sick erbäden,
dunn, as ehm de Dodsgedanken anträden.

In´t Fröhjohr bi´t Graff anne Kirch ist o seihn
een Beerboom-Sprooten, lütt un gröön.
De Johrenden kamen, de Johre geihn aff,
dor wöllmt sick een Beerboom all öwer dat Graff.
Un kümmt in´n Harwst nu de Beerboom-Tied,
werrer blänkerten in´ Boom dat wiet un siet.
Un kümmt in Pantien´ en Jung doher,
denn wispert in´n Boom dat: „ wisste ´ne Beer ? “
Un dat russelt liesing för jedeen lütt Deern:
„kumm man röwer ! Ick geew di ok Beern !“

So spend woll Segen noch jümmers de Hand
vun oll Ribbeck up Ribbeck in´t Havelland