Forum Schweizer Elterncommunity
Bi Euch au??
U es wird ja no heisser,…. 
Was machet ihr gäge d‘Hitz??
Nid z vöu bewege 
aber eigentlich sötti no so vöu mache… Wösch wäsche/ zäme legge, ufrume, jätte, putze, Wohnwage parat mache fürd Sommerferie…. Aber es isch aues so asträngend
von ZoeSophia am 18.06.2022, 13:47
Wösch wäschä i han en Wöschmaschiene 
Ir Nacht sache erledige Wohnwage
erst barat mache wenn alles in Chörb vorbereitet isch, ig han T-Shirts im Kühlregal und ziä das ah, wenn myer zu heiss isch, lauwarm dusche , chalt sell mä nyt will süsch de Körper wermi produziärt..
wo hi geits denn in Feriä? 
von linghoppe. am 18.06.2022, 17:13
Nei, wenn d Ching im Bett si machi us Prinzip nüt…. U eg ha ja ou no drü Wuche Zit… Eigentlich findis ja gar nid so schlimm wenn’s heiss isch, eg chome super klar met dr Hitz…. Eg mache eifach aues vöu gmüetlicher… Mer göh is Tessin, för zwe Wuche… leider jetz wäge de Schuelching ebe immer wenn eh scho Schuelferie si… da hätts mer eigentlich zföu Lüt… aber es geit leider ned angersch….
von ZoeSophia am 18.06.2022, 18:59
Mir si gester ds Bärn im Rosegarte gsi mitere Kollegin und ihrne Chind. Dert isch aues schön im Schatte gsi.
Mir hei de no churz e schnäue Abstächer zum Bäregrabe/park gmacht und si de gäge später Nami wieder zrug zum Bahnhof.
Hüt hani mit mine Chind eigentlich id Badi wöue, aber dr chli het am Mittag wie agschosse 40 grad Fieber gha. Si mir haut dr ganz Nami ufem Sofa ghocket und hei Fernseh gluegt 
Isch eigentlich schad bi däm Wätter, aber ds beste für Ihn gsi.
von FrannyK am 19.06.2022, 21:20
