veralynn
wo hesch denn öppis gfunde? i welere gägend? mir hey o über 2 jahr gsuecht u si de ändlich fündig worde. hey ändi mai ändlich dr choufvertrag chönne unterschribe....... chöi aber ersch am 1. februar izieh. lg usem berner oberland
Ohje, das tut ja richtig weh beim Lesen *lach* Naja, bin halt nur mein Berliner Hocheutsch gewohnt. 
Jaja die liebe Sprache *lach* nun darf ich auch mal reden wie mir der Schnabel gewachsen ist 
Sali Veralynn
Jaaaa mir händs äntlich gschafft!!! Mir händ au fascht 1.5 Jahr gsuecht
.Bi so froh will mir so doofi Nachbere händ und ebe halt chli wenig Platz. Leider müemmer halt d`Umgäbig wächsle...mir zügled is Aargau will am Zürisee d`Mietene leider jenseits des Guten sind. Mir gönd mit me lachende und miteme weinende Aug. Es isch scho komisch wännd alli dini Fründe und Bekannte zrugg lasch. Defür erwartet eus vill Platz, netti Nachbere ect. Es chan also nur no besser werde
Gratuliere Eu au zum neue Huus! Isch scho ufregend gäll?
Lg vom Zürisee ( mues no d`Seesicht gnüsse )
ja isch sehr ufregend. mir müesse äbe zersch no für 3 monet i üses hotäl zügle, chli doof aber für d chind eifacher. das isch drum im gliche ort wie s neue huus. we mr wäre bis ändi jan. i üsere wohnig blibe, hätte d chind mits im jahr müesse d schuel u dr chindsch wächsle. bi dir? hesch du scho schuelpflichtigi chind? mir wohne ja zwüsche thuner u brienzersee. seesicht hey mr nid, aber i 10 velo minute si mir a eim vo de wunderschöne see........... lg
Ja wänns Eues Hotel isch gahts ja no (rein Choschtemässig), aber isch halt glich nöd s`gliche wännd chasch direkt zügle. Ja das mit de Schuel isch chli doof bi Eus. Ich han 2 Schuelpflichtigi Chind. De gross wächslet jetzt grad idi 4. Klass und di mittler chunnt idi 1. Klass. Beidi händ somit en Klasse und Lehrerwächsel und dänn im Herbscht grad nomal. Ich glaub de gross macht das scho, aber mini Tochter wird sicher müeh ha. Sie isch sehr e schüchi. Es git glaub nie de perfekti zitpunkt mit Schuelchind. Wie alt sind dini Chind? Lg
wo ane in aargau züglet ihr denn?? ich wohne au im aargau ;-)
Häsch e PN 